جدتي

جدتي العود شانت تحب الناس * بس بين كل الناس شانت تحبني زود

 
شنت أشوف حبها بعيونها السود * وانا توّي صغير وهي جدتي العود

 
شانت تونسني بحشايا الليل * شانت تقومني أصّلي لربي المعبود

 
علمتني حب الأرض, و الزرع * علمتني حب الحياة وحب الماي بالعود

 
جدتي شانت تحب البيت و حيطان البيت وشانت تحب ابوي حبن مو معهود

 
البيت الشانت تحبه صار تراب, و مكان غرفتها انغرس عامود

 
دخيل الله ثم دخيلش يا جدتي لا تبشين * على دارن راحت مثل كل شي موجود

 
تعالي زوريني بمنامي *  وانا قلش اللصار, بس لا تبشين

 
جِعل ربي يسوق الغمام فوق مثواش * و يرّوي تربتن فيها تنامين

 
انتي بدار الحق * و بعد الحق ما هنا شيّن ثمين

 
الدنيا اللي تركتيها مثل ما هي * كدر و تعب و زوال مع الزايلين

عسى ربي يجمعنا بدارن ما بها زوال * و يرحم روحش الطاهرة, آمين